Operatori i Shpërndarjes së Energjisë Elektrike nis kufizimet në rrethe dhe kryesisht në zona rurale. Prej më shumë se 5 orësh, Berati ndodhet në terr dhe askush nuk ka denjuar të ndërhyjë për të rikthyer energjinë.
Banorët janë ankuar, por përgjigja që kanë marrë ka qenë thjeshtë , ka defekt, përgjigje e dhënë nga elektricistë të zonës, që sikurse thonë banorët më shumë rrinë të dehur sesa në punë.
Duket se OSHEE po zbaton këshillat e ministers Belinda Balluku, e cila përmes një statusi në facebook këshilloi qytetarët e gjithë vendit të kursejnë energji, dukeiI larë rrobat me 30 gradë.
Prapaganda e qeverisë duket boshe dhe në këtë rast.
Nga njëra anë deklarojnë se nuk do të ketë kufizime dhe nga ana tjetër, ndërprejet janë shtuar.
Banorët thonë se elektricistët dhe ata që e kanë për detyrë të ndërhyjnë për të rregulluar defektet rrinë gjithë ditën në lokale të dehur.
Por ironia qëndron në fakton se prej kohësh ndërprerjet e energjisë janë aplikuar në rrethe dhe qytetarët janë gjendur përballë përgjigjeve të çastit, pa patur mundësi të gjejnë zgjidhje.
