Boksieri shqiptar Bernardo Sopai është shpallur kampion i peshave të lehta(bantamweight) në FCR(Fight Club Rush). 21-vjeçari shqiptar u përball me Karlen Minasian për titullin kampion në eventin kryesor të FCR 13 në Stokholm, Suedi.
Në raudin e parë Minasian u përpoq të kalonte në avantazh por shqiptari nuk e la t’ia dilte. 21-vjeçari shqiptar i bëri presion kundërshtarit dhe në raundin e dytë, falë grushtimeve dhe një TKO gjithçka ndryshoi.
Sopai e rrëzoi kundërshtarin e tij ukrainas në tokë me një goditje të fuqishme me kokë dhe e mbylli ndeshjen me fitore.
Me fitoren mbresëlënëse, 21-vjeçari Bernardo Sopai është kampioni i ri i peshave të lehta në FCR. Me këtë fitore shqiptari ka hedhur një tjetër hap të madh drejt ëndrrës së UFC.
Vitet e fundit është rritur shumë numri i shqiptarëve që marrin pjesë në sporte të tilla, edhe pse në Shqipëri apo në Kosovë nuk njihen shumë.
Këta djem edhe pse mund të kenë lindur dhe nisur karrierën në shtet tjetër, sërish me vete mbajnë flamurin kuqezi dhe mbi të gjitha ndihen shqiptar.
Bernardo Sopai is the FCR bantamweight champion! #AndNew
[ #FCR13 🇸🇪 | 𝗟𝗜𝗩𝗘 𝗡𝗢𝗪 | on #UFCFIGHTPASS ] pic.twitter.com/GNyO5aqXG7
— UFC FIGHT PASS (@UFCFightPass) August 27, 2022
