Ish-Presidenti Ilir Meta e ka mbyllur këtë javë të nxehtë politike, me buzëqeshje dhe një kos të ftohtë. Kos Llogaraje!
Këtë e tregoi vetë në Fb ku shfaqet në fotografi, i qetë, ulur me bashkëshorten në krah, duke thënë: “Kosi i Llogarasë, qershia mbi tortë e kësaj jave frymëzuese!”
Ndryshe nga sot, Meta e nisi javën me tone të forta dhe të rrepta.
Më 22 gusht, në fillim të saj, ai njoftoi në Fb se “më 1 shtator do të kallëzoj penalisht Autoritetin e Dosjeve për shkeljet e rënda dhe të qëllimshme që i kanë bërë ligjit organik për dosjet e ish-Sigurimit të Shtetit, për manipulimet dhe falsifikimet në funksion të shantazhit politik, për llogari të Edi Ramës.”
Më pas, kreu i PL nuk ka reshtuar së dhëni ditë pas dite, intervista në mediat kryesore të vendit duke paralajmëruar në veçanti Kryeministrin Edi Rama se po i afron dita e gjykimit për aferat e rënda korruptive.
E pas këtyre ditëve, ja një moment relaksi si ky. Me sa duket, Meta e ka gjithmonë situatën nën kontroll.
