Romelu Lukaku rrezikon derbin e parë sezonal që do të luhet fundjavën e ardhshme mes Milanit e Interit. Sulmuesi belg i skuadrës së Simone Inzaghit që zhgënjeu në transfertën e Romës, ka pësuar një tërheqje muskulare dhe prania e tij në derbin e Madonnina-s është në dyshim.
Përpara sfidës së të shtunës, Interi do të perballet me Cremonesen, ndeshje ku Lukaku do të mungojë dhe kjo është ne sigurt pasi lojtari shtatlartë nuk ka nisur stërvitjen me skuadrën.
Mjekët po bëjnë maksimumin që lojtari kryesor i repartit të sulmit të rikuperohet në kohë, por më pak se 6 ditë nga sfida me Milanin, asgjë nuk është e sigurt. Në tre javë kampionat, Lukaku ka gjetur vetëm 1 gol, atë në transfertën e Lecces.
