Java e dytë e kampionatit shqiptar nisi me dy sfida shumë interesante si Teuta-Bylis dhe Kastrioti Erzeni. Durrsakët nuk shkuan më shumë se një barazimi 1-1 në shtëpi ndaj skuadrës së ngjitur këtë edicion në elitë.
Një episod i rëndësishëm i takimit u pa në minutën e 35-të. Futbollisti i ballshiotëve, Sousa u pengua në zonë dhe për kryesorin Myrtja ka penallti. Pas një rishikimi me VAR, u vendos që loja duhej të vazhdonte, pasi nuk kemi të bëjmë me 11-metërsh.
Bylis e mbyll pjesën e parë në avantazh, me Anthonyn. E majta e sulmuesit nuk ndalet dot nga Qirko, duke bërë që të shpërthente festa.
Në minutën e 76-të, Rubin Hebaj do gjendej i vetëm me portën e boshatisur, sulmuesi i “djemve të detit” do vendoste ekuilibrat dhe do “vuloste” përfundimisht shifrat në 1-1.
