Ish-sulmuesi i Partizanit, Stenio Zhunior, është duke kaluar një formë të shkëlqyer me skuadrën e Chiangmai në kampionatin tajlandez. Braziliani ishte protagonist me gol dhe asist, në duelin ndaj Uthai Thani, ku skuadra e tij arriti të triumfonte me rezultatin 1-3. Sfida ishte e vlefshme për javën e tretë të ligës së dytë tajlandeze.
Stenio Zhunior, gjeti rrugën e rrjetës pas 3 minutash lojë. Goditja e këndit u kthye në gol nga sulmuesi brazilian, që me kokë dërgoi topin në rrjetë.
Në limitet e pjesës së parë, pikërisht në minutën e 45’, ish-sulmuesi i Partizani dhuroi një asist perfekt për golin e tretë. Vlen të theksohet fakti se edhe në javën e parë, Stenio Zhunior gjeti rrugën e rrjetës duke i dhuruar 1 pikë skuadrës së Chiangmait. Në 3 javë kampionat braziliani ka arritur të shënojë 2 gola si dhe ka dhuruar 1 asist.
View this post on Instagram
