Beograd – Dusan Kovaceviç, organizatori i festivalit më të famshëm muzikor në Ballkan, “Exit”, i cili mbahet çdo vit në Serbi duke tërhequr dhjetëra mijëra të rinj, ka ftuar të marrë pjesë Kryeministren finlandeze Sanna Marin në festën e Vallëzimit të Detit, planifikuar këtë fundjavë në Budva në Mal të Zi. Këtë e kanë raportuar mediat vendase.
Kovaçeviç tha se energjia dhe qëndrimi pozitiv i Sanna Marin do të ishin shumë të mirëpritura në festivalin e famshëm Exit.
Kryeministrja finlandeze u vu në mes polemikave pasi një video u publikua javën e kaluar, që e tregonte atë duke kënduar dhe kërcyer në një festë private.
Më pas, Sanna Marin u detyrua të bënte edhe një analizë për drogë, prej nga ku doli e pastër.
Sipas portalit Euractiv, Dushan Kovaceviç në ftesën e tij ka thënë se Marin do të jetë i mirëpritur jo vetëm në Vallëzimin e Detit të festivalit Exit në Mal të Zi, nga 26 deri më 28 gusht, por edhe në festivalin Exit tradicional që mbahet korrikun e ardhshëm, në Serbi.
Ai tha se te figurat publike, kufijtë e jetës private dhe publike janë të lidhur por është e sigurtë se ato kanë gjithashtu të drejtën për kohë të lirë, argëtim, duke argumentuar se një moment i tillë në Vallëzimin e Detit është i sigurt. “Kjo do të jetë gjithashtu një mundësi e madhe për të bindur Sanna Marin për vërtetësinë e historive rreth mikpritjes së Ballkanit dhe të energjisë pozitive,” përfundoi Kovaçeviç në një mesazh për kryeministren finlandeze.
