Komisioni i Disiplinës ka zbardhur ditën e sotme vendimet ndëshkimore që janë marrë pas javës së parë të kampionatit në Superiore.
Nga vendimet e marra bie në sy dënimi me një gjobë 100 mijë lekë ndaj Kukësit për hedhjen e sendeve në fushë, ku në ndeshjen e parë ndaj Tiranës u godit në kokë me një shishe uji, ish-sulmuesi i bardhebluve Taulant Seferi.
Gjithashtu një pezullim me dy ndeshje ka marrë dhe lojtari i Kukësit, Klejdi Daci, për shkak të sjelljes antisportive, ndërsa ka pasur dhe paralajmërime ndaj Partizanit dhe Teutës për fanellat e përdorura në ndeshjet e para dhe mungesat e logove përkatëse.
