Një 25-vjeçar është shpallur në kërkim nga policia e Tiranës pasi akuzohet se ka dhunuar dhe tentuar t’i vërë flakën me benzinë vajzës me të cilën ka bashkëjetuar.
“Specialistët për Hetimin e Krimeve në Komisariatin e Policisë Nr. 2 arrestuan shtetasit E.H., dhe D.M., si dhe referuan materialet e shpallën në kërkim shtetasin A. Ç., 25 vjeç”, njoftoi policia.
Sipas bluve, dyshohet se në ambientet e jashtme të një pallati, këta persona kanë ushtruar dhunë ndaj një 16-vjeçareje (ish-bashkëjetuesja e shtetasit A. Ç.), si dhe kanë tentuar ta dëmtojnë atë me lëndë djegëse (benzinë).
