Një 46-vjeçar i shpallur në kërkim prej 4 muajsh nga Policia e Lezhës, është arrestuar nga uniformat blu gjatë kontrolleve.
Në pranga ka rënë Admir Zefi, ndaj të cilit është vendosur masa e sigurisë arrest në burg në mungesë nga Gjykata e Lezhës.
Në muajin Prill, 46-vjeçari akuzohet se hodhi ndezës granate në drejtim të qytetarit me iniciale S.P. në një restorant në Lezhë. Si pasojë e shpërthimit pati vetëm dëme materiale.
Admir Zefi akuzohet për vrasje me dashje të mbetur në tentativë dhe mbajtje pa leje të armëve shpërthyese.
