Një boksier është kritikuar së tepërmi në rrjetet sociale pasi fitoi ndeshjen ndaj kundërshtarit të tij me një goditje të papritur menjëherë pasi preku dorezën e tij. Boksieri i peshave të lehta, Ruben Torres goditi në fytyrë rivalin Cristian Baez, duke e hedhur në KO në raundin e shtate të ndeshjes.
Baez ishte mbajtur mirë deri në atë moment, dhe të dy kishin hedhur në tapet njëri-tjetrin nga një herë. Por pasi Baez u përpoq të përshëndetej me rivalin duke prekur dorezat, Torres e goditi me të majtën duke e shtrirë. Gjyqtari Thomas Taylor e ndërpreu menjëherë ndeshjen, por i dha fitoren Torres-it, pasi e quajti të rregullt gjuajtjen e tij.
“Rregulli numër 1 në boks është që duhet të mbrohesh në çdo kohë”, tha Torres pas ndeshjes. Por jo të gjithë e menduan kështu, me shumë komentues të cilët e etiketuan si “njeriun më të pistë në boks”.
