Një vajzë 24-vjeçare nga Kenia vdiq tragjikisht të enjten e kaluar në Ontario të Kanadasë. Incidenti ndodhi kur Ellen Wendy Nyabuto hyri për t’u larë në pishinën e një moteli, teksa kishte hapur edhe “live” në Facebook.
24-vjeçarja u pa duke buzëqeshur teksa fliste me miqtë e saj online në fundin e cekët të pishinës.
Dhjetë minuta më vonë ajo vendosi të zhytej në thellësi. Disa sekonda më vonë vajza mund të shihej duke luftuar për të marrë frymë dhe mund të dëgjohej duke bëritur ndërsa shkelmonte dhe tundte krahët.
Pas dy minutash nuk kishte më asnjë aktivitet në ujin e pishinës dhe gjithçka ran ë qetësi. Tre orë më vonë ajo u gjet e vdekur në ujë, ndërsa videoja në telefonin e saj vazhdonte të regjistrohej. Videoja e transmetimit të drejtpërdrejtë është hequr nga Facebook.
Vajza punonte në Country Lane, një shtëpi pleqsh që ofron kujdes afatgjatë. “Ajo punoi me të moshuarit deri në fund”, tha Alphonse Nyamyaya, një mik i ngushtë i 24-vjeçares.
