Qeveri e re apo zgjedhje të jashtëzakonshme parlamentare? Këto janë 2 opsionet që po shqyrtojnë palët politike në Mal të Zi, pas rrëzimit të qeverisë.
Sipas analistëve, formimi i një qeverie të re është opsion më real se zgjedhjet e reja, ndonëse të gjitha kombinimet që aktualisht janë në lojë, duken të vështira për t’u arritur.
Qeveria e Abazoviç, e rrëzuar në kuvend që prej 20 gushtit, do të funksionojë me mandat teknik deri në zgjedhjen e qeverisë së re.
Partia Demokratike e Socialistëve e Milo Gjukanoviçit, e cila ka iniciuar rënien e Qeverisë së Abazoviçit, ka kërkuar arritjen e një marrëveshjeje për organizimin e zgjedhjeve të jashtëzakonshme parlamentare.
