• Kontakt
Thursday, May 22, 2025
BoldNews.al

Nuk ka rezultat
View All Result
  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025
  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025
BoldNews.al
Fillimi AKTUALITET

BIRN: Vrasjet mafioze shkaktojnë frikë në Shqipëri, kriminelët s’i tremben policisë

19:05 : 22/08/2022
në AKTUALITET, KRONIKE

Fshati Panaja në jug të Shqipërisë njihet më së shumti për plazhet me rërë. Megjithatë më 18 gusht, ai u bë kryetitull për të shtënat me armë që shkaktuan dy viktima – një vrasje për hakmarrje siç u raportua në media. Një ditë më parë, një 33-vjeçar u vra në Elbasan dhe policia arrestoi një 18-vjeçar të dyshuar për krimin. Më 18 korrik ishte radha e Fushë-Krujës, rreth 18 kilometra në veri të Tiranës, ku tre njerëz vdiqën pasi u goditën me breshëri plumbash në makinën e tyre.

Nuk kishte mbetur pothuajse asgjë kur policia mbërriti në vendngjarje. Makina ishte djegur me dy prej viktimave brenda saj. I treti, që mesa duket ia doli të dilte nga makina në flakë, u vra nga njëri prej autorëve, që sipas prokurorëve ishte kthyer për t’u siguruar që askush të mos shpëtonte gjallë. Dy njerëz të tjerë u vranë pranë Fushë-Krujës në ditët dhe javët që pasuan. Qyteza dukej e qetë kur u vizitua nga kjo reportere, por banorët që folën vetëm në kushtet e anonimatit, thanë se një dhunë e tillë ishte kthyer në normë.

Ekspertët thonë se në të gjithë Shqipërinë, vrasjet brutale ditën për diell – të tilla si ato që përdoren nga krimi i organizuar për të dërguar një mesazh, po ushqejnë një ndjenjë në rritje pasigurie te shqiptarët e zakonshëm. Shifrat po rriten në mënyrë të vazhdueshme- nga 44 vrasje në vitin 2019 në 52 gjatë vitit 2020 dhe 56 në 11 muajt e parë të vitit 2021.

“Siguria e qytetarëve është vënë në pukëpyetje përballë këtij realiteti, ne kemi institucione që nuk reagojnë në asnjë mënyrë për të marrë përgjegjësi dhe për të dhënë llogari për mungesën e sigurisë,” tha Elsa Sulo, një aktiviste nga Fushë-Kruja.

“Ne ndjejemi të kërcënuar, ndjehemi të pasigurtë dhe të papërfaqësuar institucionalisht,” shtoi ajo.

Lexo edhe:

Akuzat për dënim në Greqi, BIRN: Prokuroria po e verifikon prej 1 viti rastin “Gjoka”

Artan Hoxha: Edi Rama banditët dhe kriminelët i ktheu në biznesmenë

Fabian Zhilla, ekspert i çështjeve të sigurisë dhe krimit thotë se ka “shumë përgjigje” për pyetjen “Pse?”.

“Vrasjet që janë të bujshme, ku përdoren eksplozivë ose breshëri plumbash, janë kryesisht të lidhura me krimin e organizuar, duke u përpjekur t’i dërgojnë mesazh një kundërshtari,” i tha ai BIRN.

“Vrasjet që ndodhin për motive të dobëta tregojnë se shoqëria është e dëshpëruar, e ka humbur shpresën tek institucionet zyrtare dhe pa besim te institucionet zyrtare, përpiqet t’i zgjidhë çështjet duke e marrë drejtësinë në duart e veta,” shtoi ai.

Veçanërisht të parat po shkaktojnë frikë dhe panic si dhe po dëmtojnë përpjekjet e Shqipërisë për ta promovuar veten si një destinacion i sigurtë turistik.

“Këto vrasje në publik kanë një efekt jashtëzakonisht të keq, sepse para së gjithash cenojnë imazhin e qetësisë publike dhe trembin pushuesit, sidomos gjatë sezonit turistik,” tha Zhilla.

“Nga ana tjetër, Shqipëria e shikon sektorin turistik si një sektor me potencial. Mungesa e sigurisë publike është faktori kryesor dhe më negativ i largimit të turistëve nga vendi”.

Edlira Gjoni, një eksperte e komunikimit me bazë në Tiranë thotë se edhe konfliktet e vogla në Shqipëri kanë tendencën që të kthehen në fatalitet.

“Çdo korrik apo gusht, nëse shikon statistikat, ka shumë vrasje, aksidente rrugore dhe konflikte me pasoja fatale,” tha Gjoni për BIRN.

“Ne shohim çdo javë në zona të largëta njerëz që vriten në mënyrën e vjetër shqiptare, duke vrarë njëri-tjetrin, duke mos pasur frikë nga policia, duke mos pasur frikë nga sistemi i drejtësisë, sepse ata e dinë që do të dalin nga burgu brenda një kohe të shkurtër,” shtoi Gjoni.

Shkalla e vrasjeve në Shqipëri është e lidhur shpesh me lehtësinë e aksesit të armëve, një problem që daton nga fundi i viteve ’90, kur rënia e firmave piramidale shkaktoi tre muaj anarki dhe plaçkitje të depove të armëve.

Sipas Ministrisë së Mbrojtjes, 448,901 armë të llojeve të ndryshme u grabitën. Policia e Shtetit e vendos këtë shifër edhe më lart, 549,775. Amnistitë e përsëritura kanë arritur të rikuperojnë vetëm një pjesë të këtyre armëve.

Gazetarja investigative, Klodiana Lala, e cila raporton për krimin dhe korrupsionin tha se vala e efekteve nga vrasje të tilla ndjehet larg skenës së krimit.

“Mënyra se si kryhen ngjarje të tilla të rënda, vendi i zgjedhur për të kryer atentatin, ashpërsia, numri i pjesmarrësve, mënyra se si autorët largohen dhe provat zhduken flet për një formë të sofistikuar të krimit të organizuar,” tha ajo.

“Sigurisht që ngjarje të tilla përhapin frikë dhe ankth mes qytetarëve, jo vetëm në zonë, por edhe gjetkë,” shtoi ajo.

“Njerëzit ndjehen të pasigurt, për faktin se ekziston rreziku që të jenë herë pas here objektivë rastësorë të krimeve të tilla të rënda. Nga ana tjetër, institucionet ligjzbatuese nuk kanë kontroll të plotë mbi territorin dhe nuk janë të aftë të parandalojnë krimet. Kjo, për shumë arsye që lidhen me paaftësinë, korrupsionin dhe lidhjet me grupet kriminale, ndërkohë që një pjesë e forcës policore është e frikësuar në komunitete të caktuara”.

Në maj, policia kreu një operacion të madh- i koduar si “Plumbi i Artë” kundër krimit të organizuar. Tetë grupe kriminale u vendosën në shenjestër, por dy nga drejtuesit e dyshuar, Suel Çela dhe Ervis Martinaj i shpëtuan rrjetës.

Martinaj kërkohet prej kohësh nga forcat e zbatimit të ligjit në Shqipëri dhe jashtë saj. Nipi i tij ishte një nga viktimat e vrasjes së trefishtë të 18 korrikut në Fushë-Krujë.

Policia e Shtetit i tha BIRN se Martinaj është raportuar i zhdukur nga të afërmit e tij. Vendndodhja e tij është e panjohur.

“Gjithçka po ndodh mes tyre,” tha një banor i Fushë-Krujës, duke iu referuar bandave të krimit. “Ata e njohin njëri-tjetrin shumë mirë,” shtoi ai, duke u strehuar nën një pemë për t’i shpëtuar diellit të nxehtë të gushtit.

Një dyqanxhi që u prezantua me emrin Dritan i tha BIRN: “Jemi mësuar. Ka pasur vrasje të vazhdueshme gjatë 30 viteve të fundit. Gjithë Shqipëria e di këtë”.

/BIRN

Etiketa: birnkrimineletvrasjet

Lajme të lidhura

AKTUALITET

Akuzat për dënim në Greqi, BIRN: Prokuroria po e verifikon prej 1 viti rastin “Gjoka”

21:30 : 05/05/2025
AKTUALITET

Artan Hoxha: Edi Rama banditët dhe kriminelët i ktheu në biznesmenë

22:50 : 16/04/2025
AKTUALITET

BIRN: Afera e incineratorit “fantazmë” të Tiranës shfryhet në gjykatë si flluskë sapuni

18:15 : 16/04/2025
AKTUALITET

“I bullizuar nga Rama”/ Adriatik Lapaj: Kriminelët më kanë kërcënuar

22:48 : 14/04/2025
AKTUALITET

Çelja e fushatës/ BIRN: Dy partitë e mëdha përballen me konsumim nga skandalet korruptive

15:56 : 12/04/2025
AKTUALITET

Paratë nuk prodhojnë demokraci

18:12 : 11/04/2025
Para

Berisha mbledh mbështetësit në Itali, zbulohet data dhe vendi i takimit

TË GJITHA

Nadir Çausholli ortak në hotelin 10-katësh “Rock of Kavaja” me Visin e Pojës

23:19 : 22/05/2025

Horoskopi, e premte, 23 Maj 2025/ Lexoni parashikimin e yjeve për shenjën tuaj

23:04 : 22/05/2025

Pse u dha 8 mandate të sigurta aleatëve? Berisha: I morën mbi bazën e rezultateve të viteve të fundit

22:59 : 22/05/2025

Si të dalloni arrestin kardiak nga ataku i zemrës

22:51 : 22/05/2025

SPAK hap garën për Drejtorin e ri të Byrosë Kombëtare të Hetimit

22:50 : 22/05/2025

150 milionë euro janë gati! Detajet e reja për klubin më pranë Florian Wirtz

22:48 : 22/05/2025

A do e marrë mandatin e Berishës nëse dënohet? Alimehmeti: Më pëlqen apo jo, ligji zbatohet!

22:47 : 22/05/2025


RRETH NESH

Boldnews.al mbetet zgjedhja e parë për një lexues i cili kërkon të informohet me saktësi për një lajm. Misioni jonë kryesor është paanshëmëria dhe profesionalizmi dhe për këtë janë të punësuar gazetarët më të mirë në tregun mediatik.
Na kontakto: [email protected]

NA NDIQ

  • Kontakt

2025 Boldnews Dev By Techzero1.com

  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025

2025 Boldnews Dev By Techzero1.com