Kreu i grupit parlamentar të PS, Taulant Balla ka komentuar situatën e rëndë të ndodhur në fundjavën që lamë pas ku shtetas të huaj, 2 rusë dhe 1 ukrainas u arrestuan me dyshime për aktivitet spiunazhi në vendin tonë.
Balla u pyet nëse po mendon PS që të kthejë vizat me Rusinë.
Ai tha e “ka pasur një përpjekje që dyshohet për aktivitet spiunazhi e cila është asgjësuar sapo ka nisur”.
Duke komentuar dhe deklaratat e opozitës, Balla tha se nuk mund të bëhen komente për këtë çështje nga “gjelat e detit”.
“Do këshilloja këdo dhe të gjithë gjelat e politikës së opozitës të presim hetimin, të presim verdiktin e institucioneve të sigurisë që në bashkëpunim me Prokurorinë do zbardhin këtë ngjarje. Opinionin për shqiponjën nuk mund ta japin dot gjelat e detit. Ata që bëjnë gjoja sikuir janë shqetësuar se duke qenë se ende janë me pushime e nuk kanë cfarë të bëjnë e bëjnë statuse ne FB, autoritetet meritojnë falënderim për asgjësimin në kohë të një përpjekje që mund që sic dyshohet të jetë një aktivitet i mirëfilltë spiunazhi”, tha Balla.
