Një aksident i rëndë ka ndodhur pasditen e kësaj të shtune në aksin Lezhë-Shëngjin. Burime nga vendngjarja bëjnë me dije se nga aksidenti kanë mbetur të plagosura katër vajza.
Këto të fundit janë dërguar në spital për të marrë ndihmë mjekësore ndërsa gjendja e tyre dhe identitetet ende nuk dihen.
Automjeti me të cilin udhëtonin katër vajzat ka dalë nga rruga duke përfunduar në një kanal me ujë ndërsa policia e zjarrfikësja ndodhen në vendngjarje.
