Një tjetër person është vënë në pranga në kuadër të operacionit “Plumbi i artë”. Bëhet për 49-vjeçarin Agim Gjini.
Gjykata e Posaçme e Shkallës së Parë për Korrupsionin dhe Krimin e Organizuar ka caktuar për 49-vjeçarin masën e sigurisë “Arrest në burg”, si i dyshuar për veprat penale “Vjedhja me dhune” dhe “Prodhimi dhe mbajtja pa leje e armëve dhe e municionit luftarak”, kryer në bashkëpunim, në formë të posaçme “Grupi i strukturuar kriminal”, si dhe “Kryerja e veprave penale nga grupi i strukturuar kriminal dhe organizata kriminale”.
Ndërkohë vijon puna për kapjen e shtetasve të tjerë të shpallur në kërkim në kuadër të këtij operacioni. Operacioni i koduar “Golden bullet” nisi pas arrestimit të të shumëkërkuarit, Nuredin Dumani dhe dëshmisë së tij.
