Autoritet britanike kanë arrestuar një shqiptar, i cili iku si klandestin në Mbretërinë e Bashkuar duke u fshehur në një kamion. Mediat angleze thonë se ai u vu në pranga duke punuar në një fermë kanabisi në një shtëpi në Leeds.
Bëhet fjalë për shqiptarin Bledar Tenaj, i cili është rekrutuar nga një bandë kriminale pasi nuk ka mundur të sigurojë punë ligjore pas mbërritjes së tij në Britani.
Pas një informacioni, policia bastisi pronën në Gathorne Terrace në zonën Chapeltoën më 27 korrik.
Në atë banesë policia gjeti 168 bimë kanabis në tre nga katër katet e pronës, me një vlerë në treg deri në 92,000 paund, tha prokurorja Louise Pryke për Gjykatën e Kurorës së Leeds.
Tenaj ishte banori i vetëm i shtëpisë dhe u mor për t’u marrë në pyetje, por nuk dha asnjë koment gjatë intervistës së tij.
I mbajtur në paraburgim në 35-vjeçari doli në gjykatë përmes një lidhje video, ku pranoi akuzën e prodhimit të kanabisit.
Gjykatësi dënoi shqiptarin me 32 muaj burg dhe i tha se ai mund të lirohej në gjysmën e dënimit dhe më pas të dëbohej.
