Një person që mbërriti i vdekur në spitalin e Krujës ka ngritur në këmbë policinë e qytetit. Ylli Tafili, 51 vjeç u dërgua nga familjarët me urgjencë në spital, por në momentin e mbërritjes mjekët kanë konstatuar se ai nuk kishte shenja jete.
Menjëherë është njoftuar policia, e cila me të mbërritur në spital ka nisur punën për të gjetur shkakun e vdekjes së 51 vjeçarit.
Pas verifikimit të fakteve si edhe marrjes në pyetje të familjarëve, policia ka zbuluar se në fakt 51-vjeçari Ylli Tafili kishte rënë aksidentalisht në një kanal vaditës në zonë dhe ka ndërruar jetë.
