Brisida Shehaj, nga Partia e Lirisë, komentoi në në Syri Tv aferën korruptive të inceneratorëve, në veçanti atë të Fierit.
Shehaj deklaroi se inceneratori i Fierit ka pronarë kompani italiane ndërsa nuk la pa përmendur edhe rolin e Klodian Zotos.
Briseida Shehaj, deklaroi se kompanitë e përfshira në aferën e inceneratorëve, duke shfrytëzuar vendimet e Këshillit të Ministrave gjatë e periudhës së pandemisë, kanë marrë kredi në vlerën e miliona dollarëve dhe garanci janë vënë paratë e shqiptarëve.
“Kompania ka lidhur kontratë për ndërtimin e pjesës kryesore të inceneratorit të Fierit. Në 2020 fillojnë problematikat, kishin bërë punimet dhe kishin 2.5 milionë euro për të marrë, më pas garantor i kësaj kontrate futet Klodian Zoto, bëhet një pagesë shumë e vogël, në 2021 këta në mënyrë të njëanshme prishin kontratën me kompaninë italiane, dhe çuditërisht këtë punë ia japin një individi që ishte punonjës i kësaj kompanie italiane, me të cilin kompania ka bërë dy kallëzime penale dhe fituan një gjyq civil prej 6 mln euro për vjedhje të pronës intelektuale”, tha Shehaj.
Më tej ajo deklaroi se shteti shqiptar duhet të shpallë gjendje emergjence në atë investim ndërsa theksoi se nuk dihet ku kanë shkuar 40 milionë dollarë.
“Ka kompani shqiptare që kanë para pa marrë, askush nuk e di ku kanë shkuar 40 milionë dollarë. Ka një debi shumë të madhe, përveç 40 milionëshit janë edhe 7 milionë euro kredi rrugëve. Sot shteti shqiptar nuk e merr dot se është pronar ai tjetri.”-tha Shehaj.
