Naco Monreal thotë mjaft. Mbrojtësi i njohur ka vendosur përfundimisht që të lërë futbollin e luajtur. 36 vjeçari spanjoll ka njoftuar gjithçka në rrjetet sociale, me anë të një postimi të gjatë.Monreal do mbahet mend për vitet te Arsenali dhe te Real Sociedad. Në karrierën e tij ka skuadra si Osasuna dhe Malaga.
“36 vite duke luajtur futboll. 16 vite si profesionist. Duke e shtrydhur trupin tim dhe duke e çuar në kufij që nuk do ta imagjinoja kurrë. Gjuri më dërgon një mesazh… me zë të lartë dhe të qartë; Nuk mund të vazhdoj! A inatosem? JO! Unë e dëgjoj atë, e pranoj situatën dhe e falënderoj për gjithçka. Një fazë ka përfunduar. Fillon një tjetër. Jam i lumtur dhe ndihem mirë. edhe njëherë… ndihem mirë!!! Dhe kjo më jep paqe në mendje. Jeta është një dhuratë dhe dua të jem mirënjohës” – Shkruan ai.
