Muaji gusht ka regjistruar fluks të lartë hyrjesh dhe daljesh në pikat kufitare të juglindjes e më konkretisht në Kapshticë dhe në Qafë Thanë. Emigrantët të pyetur shprehen se kthehen çdo vit në Shqipëri për të kaluar pushimet ku një pjesë thonë se çmimit janë mesatare e disa shprehen se janë të arsyeshme.
Familjet, të cilat i kanë lënë në atdhe janë disa nga arsyet e ardhjes në Shqipëri.
Ka edhe nga ata të cilët shprehen se vijnë në Shqipëri për dokumentacionet.
Në 3 ditët e fundit në dy pikat më të mëdha kufitare të juglindjes në kufi me Greqinë dhe Maqedoninë kanë hyrë dhe kanë dalë 34,451 shtetas.
Në doganën e Kapshticës ku fluksi është më i lartë po punohet me 7 sportele, 5 në hyrje e 2 në dalje duke mos krijuar radhë të gjata e të lodhshme për udhëtarët.
