Policia e Kuçovës njoftoi se ka shpallur në kërkim, autorin e plagosjes së Admir Bejos, por për arsye hetimi, siç shpjegon, nuk mund ta bëjë publik, identitetin e tij.
Ndërkohë raportohet se autori i plagosjes është 36-vjeçari E.R. fqinj me Bejon dhe se të shtënat në drejtim të viktimës kanë ardhur pas një debati që ka ndodhur në shtëpinë e të shpallurit në kërkim.
Në njoftimin zyrtar të Policisë thuhet: “Specialistët për Hetimin e Krimeve në Komisariatin e Policisë Kuçovë, në vijim të punës për zbardhjen e plotë të ngjarjes së ndodhur ditën e djeshme, në lagjen “1 Maji”, Kuçovë, ku mbeti i plagosur me armë zjarri shtetasi A.B, bënë identifikimin dhe shpalljen në kërkim të autorit të dyshuar të ngjarjes, ku për arsye hetimi nuk bëjmë me dije gjeneralitetet e tij.
Vijon puna nga ana e shërbimeve të Policisë, për kapjen e autorit. Materialet iu referuan Prokurorisë pranë Gjykatës së Shkallës së Parë Berat, për veprime të mëtejshme.”
