Banorët e Thethit, por edhe qindra turistë të cilët vizitojnë çdo ditë fshatin turistik, janë në terr.
Janë vetë banorët të cilët kanë denoncuar mungesën e energjisë elektrike, duke treguar se janë detyruar të investojnë shuma të mëdha parash në gjeneratorë, për të çuar dritë në banesa apo bujtina.
Thethi është një nga zonat më atraktive, në zemër të alpeve shqiptare, duke tërhequr shumë vizitorë vendas, por edhe të huaj.
Ndërkohë që mungesa e kushteve të tilla, siç është energjia elektrike, ndikon negativisht për zhvillimin e mëtejshëm të turizmit, duke bërë që turistët të largohen me përshtypje negative.
