Pas disa ditëve me diell, kryeqyteti është përballur mesditën e sotme me reshje të dendura shiu dhe furtunë.
Reshjet intensive të shiut dhe breshërit kanë pushtuar Tiranën duke krijuar trafik në lëvizjen e automjeteve.
Zonat më të rënduara deri tani sipas burimeve paraprake janë Myslym Shyri, Rrugët pranë Gjykatës së Tiranës dhe Rruga Besim Imami.
Në këtë të fundit mësohet se është shkulur një pemë e madhe, dhe ka bllokuar lëvizjen e mjeteve, pasi rruga është bërë e pakalueshme, siç mund të shihet dhe nga pamjet e mëposhtme
Sinoptikant, Hakil Osmani shprehet se moti në këtë fundjavë në vendin tonë pritet të jetë me reshje shiu, kryesisht me intensitet mesatar.
Sipas sinoptikanit rrebeshet afatshkurtra të shiut do të jenë më të dukshme mbrëmjen e së shtunës dhe mëngjesin e së dielës.
Reshjet do të jenë në një interval kohor tre katër orë, i cili do të sjellë intensitet mesatar në disa zona të izoluara të territorit shqiptar.
