Klodian Keqi është arrestuar në orët e para të mëngjesit të sotëm nga Policia teksa tentonte që të kalonte kufirin për në Greqi. Ai është vendosur në pranga pasiu dyshohet se është personi që qëlloi me breshëri kallashnikovi dhe i mori jetën bashkëfshatarit të tij 55-vjeçarit, Luan Hushi dy ditë më parë në Fushë-Krujë.
Pas arrestimit ai pritet të dërgohet në paraburgimin e Durrësit, ku atje do dalë përpara gjykatës për tu njohur edhe me akuzën e ngritur nga prokuroria.
Ngjarja e rëndë ndodhi mëngjesin e 10 gushtit, ndërsa shkak i vrasjes dyshohet se u bë një konflikti për prerjen e druve në pyll.
