Aktorja Anne Heche ka qenë nën ndikimin e kokainës kur pësoi një aksident në të cilin është plagosur rëndë, kanë treguar analizat fillestare.
TMZ raporton se gjendja e aktores nuk është përmirësuar aspak që nga dita e aksidentit. Ajo ndodhet në gjendje kritike për jetën. Aksidenti ka ndodhur të premten e kaluar. Heche po ngiste një MINI Clubman me një shpejtësi të lartë kur ajo u përplas me një banesë, një garazh dhe më pas një banesë.
Përplasja shkaktoi një zjarr që e la aktoren me djegie të rënda.
“Ajo do të jetë në koma për një kohë të gjatë dhe ka frikë se mund të vdesë sepse mushkëritë e saj nuk punojnë vetë”, tha një burim për Daily Mail.
Aktorja Anne Heche nuk pritet të mbijetojë dhe lajmin e hidhur e bënë të ditur familjarët, të cilët shtuan se ka një dëmtim të rëndë të trurit dhe ndodhet në koma.
