Një konflikt raportohet të ketë ndodhur mesditën e sotme në Dibër.
Mësohet se shtetasit D.S., dhe S.S, janë përfshirë në konflikt dhe kanë goditur me sende të forta shtetasin M.K(punonjës policie me detyrë Specialist Zone) i cili ju është kundërpërgjigjur me armë zjarri.
Policia vijon punën për zbardhjen e rrethanave të ngjarjes.
NJOFTIMI I PLOTË:
Dibër- Rreth orës 13.35, në lagjen Kamen, Peshkopi, shtetasit D.S., dhe S.S, janë përfshirë në konflikt dhe kanë goditur me sende të forta duke i shkaktuar dëmtime shtetasit M.K(punonjës policie me detyrë Specialist Zone) i cili ka qenë duke hyrë në portën e banesës së tij. Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij. Grupi hetimor nën drejtimin e Prokurorisë vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt.
