Mbetjet urbane janë kthyer në një problem të përditshëm për qytetarët e Vlorës. Në një prononcim për ‘Fax News’ ata shprehen se situata është e njëjtë prej shumë vitesh, ku mungojnë kazanët e plehrave.
Ata shprehen se pavarësisht ankesave në bashki, ende nuk është marrë asnjë masë ndërsa janë të shqetësuar nga era e keqe dhe për shëndetin e tyre.
“S’është normale, shumë keq plehrat! Duhet të ketë kazan dhe çik rregull. Kalon duhet të vësh dorën para”-tha një nga banoret.
“Kanali ka 40 vjet aty në mes të lagjes, na piu mushkonja. Fëmijët në spital e vetë të vdekur se nuk marrim dot frymë, kujt ti ankohemi? Unë nuk dua t’ja di fare për parti por dua pastërti dhe rregull”– u shpreh një tjetër.
Kujtojmë se para dy ditësh Bashkia e Vlorës është gjobitur nga Agjencia e Rajonale e Mjedisit për mosmenaxhimin e mbetjeve urbane.
