Dy shqiptarë janë ndaluar teksa po hynin në Zvicër me një makinë me targa shqiptare.
Mediet e huaja bëjnë me dije se janë arrestuar një 25-vjeçar dhe një 34-vjeçar me banim në Shqipëri.
Të dy ndodheshin në një makinë me targa shqiptare duke hyrë në Zvicër dhe u ndaluan në vendkalimin e autostradës Brogeda.
Nga kontrolli i thelluar i mjetit nga Grupi i Specialistëve të Vizitave u gjetën më pas rreth 11 kilogramë heroinë.
Droga ishte fshehur brenda një enë në panelin e kontrollit. Pas marrjes në pyetje nga punonjësit e policisë kantonale, 25-vjeçari dhe 34-vjeçari u arrestuan.
Ata akuzohen për shkelje të rëndë të Ligjit Federal për Drogat Narkotike. Hetimet koordinohen nga prokurorja publike Valentina Tuoni
