Një ambulancë, e cila po transportonte drejt spitalit një paciente 66-vjeçare, u përfshi në një aksident mesditën e sotme në afërsi të ish-sheshit “Shqiponja”.
Nga raportimet mësohet se në aksident u përfshi mjeti ambulancë me drejtues shtetasin E. D., 55 vjeç, me automjetin me drejtues shtetasin F. K., 33 vjeç.
Si pasojë e aksidentit është dëmtuar lehtë pasagjerja që ndodhej në ambulancë, shtetasja K. I., 66 vjeçe, e cila ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
