I ftuar në studion e Fax News avokati Altin Goxhaj foli mbi tragjedinë e Himarës ku mbeti e vrarë një vogëlushe 7-vjeçare.
Goxhaj u shpreh se nuk ishte një aksident çasti por një situatë e vazhdueshme që cenonte sigurinë e fëmijëve në plazhe e jo vetëm. Ai tha se efektivi i policisë që përplasi vogëlushen, mund të ishte nën efekt kokaine dhe se procesi është manipuluar që në krye të herës nga kjo qeveri, që me ndryshimin e masës së sigurisë ndaj tij.
“Gjendja emocionale e prindërve shqiptarë në këtë moment është shumë e rënduar, kemi konstatuar frikë dhe ankth, që kanë për sigurinë e fëmijëve të tyre në përditshmëri. Ajo që ndodhi në Himarë nuk ishte një ngjarje sporadike, askident çasti, është më tepër mundësia e vazhdueshme për të cenuar jetën dhe sigurinë e fëmijëve shqiptarë.
Është një papërgjegjshmëri që ka shteti shqiptar, e konsideroj pjesë të agjendës së Soros për të larguar njerëzit nga ky vend, duke u dhënë pasoja të tilla që atyre tu mbushet mendja që në këtë vend nuk jetohet. Është agjendë e tij për ç’popullimin e Shqipërisë, mjeti ishte rrënimi dhe falimentimi.
Shtetit nuk ia ndjen, është me pushime, i ka braktisur fëmijët dhe thotë Zoti jua rujtë kalamojtë! Presidenti nuk ka thënë apo vepruar fare sepse nuk i ka dhënë leje Rama. Ka pasur reagime dhe nga mediat jashtë, jo vetëm media shqiptarë në diasporë por edhe të huajat.
Për mua është krejtësisht ngjarje politike, kemi të bëjmë me një njeri që supozohet të garantonte sigurinë në zonë si efektiv, ndërkohë ai copëtoi një fëmijë dhe u tregua arrogant pas aktit.
Kryeministri jo vetëm nuk reagon, por shan e sulmon dhe quan gazetarët e popullin vampirë. Procesi është manipuluar që në fillim nga kjo qeveri, që tek ndryshimi i masës së akuzës sepse këta janë manipulues, arrestojnë që më pas ti shpallin të pafajshëm. Me shumë mundësi ai njeri ka qenë nën efekt kokaine, edhe kur u kryen testet hierarkia e policisë rezultuan përdorues droge”-u shpreh Goxhaj.
