Pronarët dhe administratorët e mjeteve lundruese në bregdet kanë dalë në protestë përpara Policisë Kufitare të Vlorës.
Ata kanë protestuar për bllokimin e mjeteve lundruese, duke thënë se jemi në kulmin e sezonit turistik.
Demonstruesit janë shprehur se mjetet e tyre të lundrimit janë duke u bllokuar pa arsye, pasi kanë dokumentacion të rregullt.
Protestuesit pohojnë se kanë të rregullta dokumentet, paguajnë taksa dhe sigurime shoqërore. Siç shprehen, dokumentet e tyre janë verifikuar, kanë dalë të rregullta dhe sërish ata nuk janë lejuar të lundrojnë.
Gjithashtu pronarët e mjeteve tregojnë se bllokimi i tyre në kulmin e sezonit turistik i penalizon këta të fundit pasi kanë taksa dhe fatura për të paguar dhe s’ia dalin dot.
