Shoqëria civile dhe qytetarët janë mbledhur para Ministrisë së Brendshme, për të protestuar për vdekjen e 7-vjeçares, e cila u godit nga një skaf që drejtohej nga komisari Arjan Tase.
Protesta do të mbahet në sheshin para Ministrisë së Brendshme, ndërsa policia ka vendosur një kordon për të mos lejuar protestuesit të mblidhen në sheshin pas godinës qeveritare.
Nga raportimet mësohet se janë disa dhjetra forca policore, përfshi edhe ato të FNSH që janë stacionuar pranë Ministrisë së Brendshme.
Protesta ka marrë mbështetjen publike edhe të partive opozitare, ndërsa Qeveria po mundohet t´a klasifikojë ngjarjen si një aksident, që ndodh kudo në Botë.
