Qindra qytetarë I janë bashkuar këtë të enjte protestës së organizuar para Ministrisë së Brendshme, pas tragjedisë së ndodhur në familjen Avdie, ku vajza 7 vjeçe, humbi jetën pasi u godit nga një skaf, drejtuar nga oficeri I policisë Arjan Tase.
Për mediat, kushëria e Bledar Avdisë, babait të vajzës, me lot në sy foli për ngjarjen dhe shtoi se ka dalë në protest, pikërisht për Jonadën, vajzën e saj dhe për të dhënë një apel për pushtetarët.
“Ishte e tmerrshme ajo që I ndodhi djalit të dajës sim. Ai ka vuajtur shumë në jerët dhe kjo ishte një tjetër vuajtje. Ishte në Himarë për të pushuar, por dora e shtetit ia ktheu në tragjedi .
Ishte dita e dytë e pushimeve për Bledin. Nuk mund ta shpjegoj se çfarë ka ndodhur. Kryebanditi shëtiste me jahte luksoze, sepse polici e ka mundësinë sot të shëtisë me jahte.
Bledi ishte dorë për dore me vajzën duke notuar në breg të detit. Polici e ka goditur dhe më pas ka bërë manovra. Halla e vajzës e ka parë të gjithë skenën e tmerrshme. Nuk duam që çështja të politozohet”
