Shkupi, Ballkani dhe Shkëndija e Tetovës do të zbresin ditën e sotme në fushën e lojës, teksa do të luajnë në kompeticionet europiane.
Skuadra e parë që do të marrë skenën janë kuqezinjtë, të cilët do të vihen përballë skuadrës suedeze, ALK, me duelin që do të nisë në orën 19:00, ku Shkëndija do të kërkojë fitoren për të shpresuar te kualifikimi në “play-off” në Conference League.
Në orën 20:00 do të jetë Ballkani që do të masë forcat me Klaksvik, me ndeshjen që do të luhet në “Fadil Vokrri”.
Të besuarit e Ilir Dajës do të tentojnë fitoren në shtëpinë e tyre për të tentuar suprizën në Conference League.
Shkupi do të udhëtojë në Irlandë për t’u përballur me Shamrock Rovers takim i vlefshëm për turin e tretë të Europa League, me sfidën që do të nisë në orën 21:00.
