Zjarri që përfshiu një sipërfaqe toke, në mes një të zone të banuar, në lagjen ‘Partizani’ në Vlorë, nxori në pah paaftësinë e institucioneve në një rast të tillë emergjence.
Shërbimi zjarrfikës kishte kërkuar ndërprerjen e energjisë elektrike në këtë zonë.
OSHEE edhe pse ishte vënë në dijeni të kësaj kërkese nuk ka vepruar, duke rrezikuar seriozisht jetën e zjarrfikësve, por edhe të banorëve.
Në videon që sjell SYRI është momenti kur një efektiv i zjarrfikëses telefonon OSHEE-në i revoltuar dhe kërkon ndërprerjen e rrymës, duke u kujtuar se i kanë marrë në telefon disa herë.
Zjarri në Vlorë dogji hektarë shkurre, por fatmirësisht nuk shkaktoi dëme në banesa dhe njerëz.
