Zbardhen detaje të reja nga dëshmia e Arjan Tases, komisarit të policisë, i cili ditën e djeshme i mori jetën 7-vjeçares në plazhin e Potamit.
Tase ka pranuar në polici se ishte ai në drejtimin e skafit dhe ka treguar se në momentin kur kur ka goditur vajzën gomonia ka marrë gaz në mënyrë të menjëhershme duke bërë një rrotullim në vend.
Sipas tij kjo ka sjellë goditjen nga pas me helika të vajzës së mitur.
Më tej Arjan Tase ka deklaruar se gomonia i përket djalit të xhaxhait të tij.
Ai ka treguar se mëngjesin e djeshëm ka shkuar me makinë në Porto Palermo dhe aty ka marrë gomonen. Nga Porto Palermo ai ka udhëtuar me gomone drejt Potanit ku do merrte gruan dhe fëmijët për ti nxjerrë shëtitje në det.
Sapo familja e policit ka hipur në gomone, Tase i ka dhënë gomones mbrapsht për të dalë nga bregu në det. Por në këtë moment gomonia ka marrë shumë gaz dhe ka bërë një rrotullim të menjëhershëm në vend.
Tase ka deklaruar gjithashtu se është i pajisur me leje drejtimi të mjeteve lundruese.
Ajo që po hetohet gjithashtu është pronësia e skafit, pasi ka dyshime, sipas raportimeve mediatike, se skafi i përket një personi në Elbasan, i cili ka precedent penalë në fushën e vjedhjeve. Gjithsesi dyshimet lidhen me atë nëse emri i personit që shfaqet si pronar i skafit është thjesht një kamuflim mbi pronarin real të mjetit lundrues.
