Zëvendësministri i Brendshëm, Besfort Lamallari deklaroi se me metodologjinë e re të miratuar nga Komisioni Evropian në vitin 2020, mundëson një proces më dinamik për Shqipërinë, për hapjen e negociatave.
Në një intervistë për “Euronews Albania”, Lamallari u shpreh se bazuar në këtë metodologji, do të ketë grupim të kapitujve dhe nuk do të hapen një nga një.
“Metodologjia e re e cila u miratua nga Komisioni Evropian në vitin 2020, kjo është hera e parë që aplikohet për një vend negociues. Sipas asaj që thuhet edhe nga Komisioni Evropian, metodologjia e re parashikon dhe mundëson një proces më dinamik, parashikueshmëri të procesit, ngasje të fortë politike të procesit dhe besueshmëri. Ndryshimi themelor ne këtë metodikë të re që do ndjekë Shqpëria, është që kapitujt nuk do të hapen një nga një, por do ketë grupim sipas kapitujve në grup kapituj”, theksoi ai.
