Është gjetur i shkatërruar në mëngjes automjeti i ish-juristit të ASHK Sarandë Laert Pasha.
Ky i fundit që prej 10 majit është arrestuar nga policia, i akuzuar nga SPAK për “korrupsion pasiv i personave që ushtrojnë funksione publike”.
Persona të paidentifikuar, gjatë natës, kanë thyer xhamin e pasëm të mjetit, kanë çarë gomat dhe kanë lyer me sprajt mjetin tip fuoristrade Mercedes-Benz ML me targë AA823YS.
Ngjarja ka ndodhur në lagjen nr.4, ku mjeti ndodhej i parkuar që prej arrestimit të 41-vjeçarit.
Ky është rasti i dytë, kur persona që ndodhen në burg, u sulmohen pronat.
Në 6 qershor u dogj zyra noteriale e noterit Aleko Anagnosti, i cili ndodhet në burg i akuzuar për “shpërdorim detyre” së bashku me ish-funksionarë të ASHK dhe Bashkisë.
