Partia Demokratike e Socialistëve e Milo Gjukanoviçit do të nisë sot një nismë për mocion mosbesimi ndaj qeverisë së drejtohet nga Dritan Abazoviç.
Kjo për shkak të Marrëveshjes Themelore me Kishën Ortodokse Serbe.
Që nga momenti i publikimit, kjo marrëveshje shkaktoi konflikte brenda qeverisë së Abazoviçit dhe mes anëtarëve të shumicës qeverisëse.
“Marrëveshja e nënshkruar sot, e cila është në kundërshtim me Kushtetutën e Malit të Zi, do të pezullohet menjëherë pas zgjedhjes së qeverisë së re“, thuhet në njoftimin e DPS-së.
Një pjesë e mazhorancës qeverisëse, DPS dhe Partia Socialdemokrate, njoftuan se Marrëveshja Themelore është kundër interesave kombëtare të Malit të Zi, nuk është në pajtim me Kushtetutën e Malit të Zi dhe me ligjet malazeze.
