Një ngjarje e rëndë tronditi Shqipërinë ditën e sotme, pasi një skaf i drejtuar nga kosmisari Arjan Tase, përplasi për vdekje vajzën 7-vjeçare të familjes Avdija, e cila ndodhej me pushime në Himarë.
Detaje të reja janë zbuluar pas aksidentit, ku oficeri Tase i thotë shokut të tij se është ai që përplasi vajzën 7-vjeçare.
“O Tani jam unë”, dëgjohet teksa i drejtohet Arjan Tase mikut të tij.
Ndërkohë qytetarët janë shfaqur mjaft të irrituar me policin, i cili mesa duket pas ngjarjes së rëndë edhe ka kërcënuar familjarët e vajzës që përplasi me skaf.
”Kush e vrau këtë fëmijën ore”,- mësohet të kenë thënë qytetarët
Himarë/Informacion paraprak
Sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë 7 vjeç, i cili për shkak të dëmtimeve ka ndërruar jetë në vendngjarje.
Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
