Ish zëvendës ministri i Bujqësisë, Alban Zusi thotë se autoritetet shqiptare nuk janë të informuar në lidhje me rritjen e standardeve në bujqësi dhe për përafrimin e legjilasionit të këtij sektori me atë të Bashkimit Evropian, pas hapjes së negociatave.
Në një intervistë për “Euronews Albania”, Zusi u shpreh se nëse sot Shqipëria do e kthente në ligj legjislacionin e BE-së për bujqësinë, 90% e ndërmarrjeve për këtë sektor do të mbylleshin.
Kjo sipas tij, për disa faktorë, si mos plotësomi i standardeve ushqimore apo sigurisë në punë.
“A e dinë autoritetet shqiptare këtë punë? Unë kam përshtypjen se nuk e di, të paktën nga indikatorët që kam, nga takimet që bëhen. Përgjithësisht, koncepti i integrimit konceptohet si një proces i përkthimit të legjislacionit dhe i aprovimit në parlament, por nuk është kështu.
Ti mund ta marrësh rregulloren e BE për qumështiun apo mishin. Nëse e merr dhe e kthen në ligj shqiptar, ti të nesërmen që e aprvonin ligin duhet të mbyllësh 90% të ndërmarrjeve. Nuk plotësohen standardet e sigurisë ushqmiore, sigurisë së punë. Është një process se cili ështës tandardi aktual, cilat janë nevojat dhe sa fonde do duhet nga Bashkimi Evropian”, theksoi ai.
