Pronari i banesës që u kishte dhënë shtëpinë me qira çiftit Ramis Micit dhe Jetlira Elezit në një interviste për mediat, ka treguar se ngjarja ka ndodhur në orën 1 pas mesnate dhe ka gjetur viktimën të mbuluar me gjak.
Ai ka treguar se disa ditë më parë policia kishte qenë në banesën e tyre, pasi 37-vjeçari kishte dhunuar Etlira Elezin.
Kjo e fundit i kishte treguar bashkëshortes së tij se ka urdhër mbrojtje, sipas dëshmisë së kësaj të fundit.
Të dy kishin qenë të divorcuar dhe me nga dy fëmijë, ndërsa bashkëjetonin.
“Ishte ora 1 pa 10 u hap dera dhe e pamë që ai doli rrugës me hapa të ngadaltë. Me thotë gruaja që dera ishte hapur. Ajo ishte e vdekur në mes të dhomës kishte gjak në gjithë dhomën. Mora policinë në telefon, erdhi policia bëri punën e vet. Se për çfarë u zunë nuk e dimë. Erdhi edhe më parë policia, se ajo ishte ankuar se ai e kishte rrahur. Mori të shoqin vuri hekurat. Ajo i kishte thënë gruas se kam urdhër mbrojtje, a kishte ajo ne nuk dimë gjë. Ai ka bërë debate. Prej dy muajsh jetonin këtu. Ai në punën e vet. Ajo ka qenë e divorcuar me burrin e parë dhe ka dy fëmijë. Edhe ky i divorcuar me dy fëmijë, fëmijët ja ka mbajtur e shoqja. Kanë bërë edhe celebrim. Ramizi përditë shkonte në punë edhe ajo punonte”, tha ai.
Ramis Mici, 37-vjeç, sipas një rindërtimi të ngjarjes nga hetimet paraprake, ka goditur me thikë në banesë bashkëjetuesen e tij Jetlira Elezin, 37 vjeçe. Si pasojë e plagëve të marra, ajo ka humbur jetën.
