Sherri mes Noizyt dhe Cllevios nuk ka fund. Noizy kishte të drejtë dhe e dinte se çfarë do ndodhte pasi pa kaluar dy ditë nga kërkim-falja, është përsëritur e njëjta skemë: Cllevio ka ofenduar sërish Noizyn në rrjetet sociale. Ai ka qenë duke parë një video të një personazhi të njohur të rrjeteve sociale me emrin Izet dhe në atë moment ka shpërthyer ndaj Noizyt, duke thënë: “O Noizy të q*fsha robt!”.
“Unë ende s’kam besim tek ti! Gjithsesi shohim, të jesh mirë”- me këto fjalë iu drejtua Noizy Cllevios pasi ai i kërkoi falje dhe tha se nuk do e shante dhe nuk do merrej më me të. Vetë Cllevio iu përgjigj: “Je skeptik e di, sepse edhe unë jam tip supersticiozi”.
Videoja ka shkaktuar shumë polemika në rrjet teksa i menjëhershëm ka qenë reagimi i një tjetër personazhi të njohur në rrjetet sociale, Aleks Vishaj i cili pajtoi Cllevion dhe Noizyn. Në një video në rrjetet sociale ai shprehet i zhgënyer nga Cllevio për të cilin thotë se nuk ka çfarë të bëjë më.
“Po u futa më live me Cllevion hajdeni më shani sa të doni. Nuk kam çfarë të bëj. Nuk është vëllai im. Nuk mund të flasë më kurrë mirë për të. Unë e kam ditur se është djalë i mirë. Po tani nuk ka më punë me të, le të shohë punët e veta dhe mos të më ngatërrojë më mua.”
