Sir Alex Ferguson rikthehet te Manchester United. Kuptohet, ish-trajneri legjendar i “Djajve të Kuq” nuk do bëjë detyrën që e kreu me sukses për thuajse tri dekada, por në rolin e këshilltarit të bordit drejtues. Ishte këmbëngulja e shefit ekzekutiv të klubit, Richard Arnold, që e bindi legjendarin skocez të pranonte propozimin.
Arnold ka krijuar një bord ekspertësh që përfshin Ferguson, ish-CEO-n David Gill, ish-kapitenin ikonë të United, Bryan Robson ,dhe drejtorin aktual të futbollit, John Murtough, për të shfrytëzuar përvojën e tyre në të gjitha aspektet e klubit. Ky rol do t’i japë Fergusonit më shumë ndikim në “Old Trafford” që kur ai dha dorëheqjen si trajner gati një dekadë më parë.
Takimi i së martës në Carrington, që përkoi me kthimin e Cristiano Ronaldos në terrenin stërvitor të United për bisedime, kuptohet të jetë i pari në një seri takimesh të rregullta mes pesë burrave të mençur.
Edhe pse Ferguson dhe Gill kanë mbetur në bordin e futbollit të United si drejtorë joekzekutivë që nga largimi i tyre në vitin 2013, ish-shefi ekzekutiv i Manchester United, Ed Ëoodëard ka zgjedhur t’i bëjë gjërat sipas tij, pa u konsultuar me ta.
80-vjeçari Ferguson nuk mund të luajë një rol shumë aktiv në klub që pas problemit serioz që pati nga një hemorragji cerebrale rreth katër vite më parë.
