“Të shpëtojmë këtë vend. Kur Shqipëria është në rrezik, duhet t’i dalim për zot të gjithë”, ishte mesazhi që kreu i PD, Sali Berisha, i ka drejtuar qytetarëve nga Mirdita, atje ku zhvilloi një takim me mirditorët.
Berisha tha se kjo është një thirrje e thellë e ndërgjegjes kombëtare të çdo shqiptari, duhet të ndahemi me këtë regjim.
“Aferat janë të paimagjinueshme. Vetëm në Portin e Durrësit po merr me një arab 1 mln m2 truall. E sposton portin për vjedhje. Aty është një aferë 4-5 miliardë, se do ndërtojë Dubai City, do ndërtojë piramidat e vjedhjeve më të mëdha në Ballkan dhe Europë aty.
E njëjta gjë me Parkun e Butrintit, një Park përrallor që nuk ekziston kund në Europë. Qytet me gjithë atë histori. E merr një njeri që është regjistruar të thotë se Shqipëria është një vend artificial. S’e kisha lexuar kurrë këtë, s’kam lexuar kurrë dikë që të thotë se para nesh ka patur këtu.
Pse jepet Butrinti? Sepse Kepi i Stillos është magjik, është vendi më i bukur në të gjitha brigjet e Jonit, për ta bërë vila Edi Rama me klientelën e tij. Dhe duhej të shkëputeshin të gjitha zonat, qytetin e lanë veçmas, për qëllimet e veta.
Koha është të ndalemi, të bisedojmë çdo njeri. Kur Shqipëria është në rrezik, duhet t’i dalim zot të gjithë. Të bëjmë punë me ata që nuk janë ende të bindur. Këto janë fakte të vërteta si drita e diellit që nuk ka asnjë shtesë në to”, tha Berisha.
