Amarda Toskën rrallë e shohim në intervista, por së fundmi biznesmenia dhe moderatorja ka qenë e ftuar në “Një natë me Aulonën”, ku ka folur më gjatë për jetën e saj. Ami ka treguar edhe marrëdhënien e saj me Ermalin, ku si çdo çift edhe ata kanë patur zënkat e tyre, por që gjithmonë kanë arritur t’i zgjidhin dhe tani kuptohen me sy.
Ami u ndal dhe te një nga momentet më të vështira me vajzën e saj, Sian.
“Momenti më i vështirë ka qenë me vajzën. Sapo bëri 1 vjeç ajo pati një djegie pa dashje. Unë erdha dhe e pashë në atë gjendje dhe ato ditë që kam kaluar momentet më të vështira deri më tani. Ka qenë një periudhë goxha e dhimbshme dhe e trishtueshme”, tregoi Ami.
