Mesila Doda ka folur për faktin se një politikan i lartë me inicialet I.M u zbulua se ishte pjesë e Sigurimit të Shtetit.
Doda theksoi se me këtë zbulim, arrihet në përfundimin se kemi dështuar si shtet.
Doda: Mbi iniciativën e ardhur nga Autoriteti i Dosjeve, kishim përpara një material me përmbajtje sensitive. Kjo më shtyn të rikthej në memorien tuaj që unë dhe vetë Idrizi kemi propozuar më parë me studentët për hapjen e dosjeve.
Është një gjellë, e cila nuk mund të kapërdihet. Por lojërat politike kanë bërë që të ketë një paqartësi lidhur me këtë pjesë. Ajo që kërkova nga Nikolla është të kërkojë nga Autoriteti i Dosjeve pastërtitën e figurës për 140 deputetët.
Nëse pas 32 vitesh ende kemi mes nesh kemi persona me të kaluar të errët në dosjet e Sigurimit të Shtetit, do të thotë se kemi dështuar si shtet.
Emrat duhen bërë publikë jo të vendosen inicialet aty. Unë u njoha vetëm me inicialet, për pjesën tjetër do duhet që të kemi mundësinë që të ketë një ligj të mirë. Unë nuk ju them dot përmbajtjen e dokumentit, por duhet të bëjmë një ligj të fortë që të na ndajë nga ajo periudhë.
