Studiuesja Ilda Mara tha në një takim për trashëgiminë kulturore, ku ishte i pranishëm edhe kreu demokrat, Sali Berisha, tha se ligji për trashëgiminë kulturore është çalaman, ka shumë hapësira, dhe duhet të ndryshojë.
Ajo tha se hapësirat e ligjit po i provojmë me Butrintin, trashëgimi e UNESCO-s dhe në momentin që bie një kështjellë si Butrinti mendoj që gjithçka tjetër mund të shkojë më pas.
“Këta jane seriozë, ADF, por frika mund të jetë se kush mund të vijë më pas, kush mund të marrë Durrësin, Apoloninë, Beratin, Gjirokastrën.
Do të ishte mirë që ju mund të inicioni edhe një përmirësim të ligjit dhe një kërkesë që tashmë u hapën negociatat, ne kemi mundësi që të marrim asistencë teknike nga BE. Mund të jetë një kërkesë shumë praktike që mund t’i vijë në ndihmë trashëgimisë kulturore. Duhet të kemi një qendër për trashëgiminë kulturore.
Duhet punuar me ekspertët lokalë, ekspertë që i kanë plasur derën Mirela Kumbaros. Dua të sjell një shprehje të Abraham Lincoln: “Nëse mendojmë se kultura është e shtrenjtë, atëherë provoni injorancën”. Kultura, identiteti janë shumë të rëndësishme”, tha Mara.
